影片
更多
2015-02-18
1335 浏览
晏昼两三点先食 lunch，本想食好啲，但日本菜间间都落场、一系只有 cheap cheap 定食，揾左半粒钟无咩时间剩，见到山头火是鬼但啦。依个四眼肥妹 waitress 想点呀？人家都未 order 完，系咁赶住走咁！仲不停想抢走我份 menu 啰！沙律，等等！拉面，等等！我仲未 order 完呀！全场得我地一枱乍㖞，我仲未叫野饮呢，走左去！要我亲自去攞返个 menu 睇，服务劣！果然系山头火，未食先上火！原来约左条仔黎舖头一齐食拉面啰！海鲜沙律，三文鱼子？居然会系三文鱼子！当您遇上三文鱼子，您会想起谁呢？凯程的三文鱼子，我还是很想您。海鲜沙律，三文鱼子、三文鱼、带子、熟大虾、熟蟹肉、生菜、蕃茄、昆布，超级丰富，卖相好靓好吸引，抵食！配上自家沙律酸甜 dressing，味道清新又醒胃。菜蔬鲜爽多汁，加埋多种海鲜坚正！虽然只系晏昼 3 点，饮返杯 Asahi super dry 先，我鬼佬黎架麻，最后饮左两杯 high high 地，转头仲要落中环做野，哈哈。辣面豉汤猪颈肉拉面，𩠌同汤面分开上咁得意，令我想起合记既出前一丁，系咪怕浸腍啲猪颈肉呢？辣面豉汤猪颈肉拉面，猪颈肉 juicy
晏昼两三点先食 lunch，本想食好啲，但日本菜间间都落场、一系只有 cheap cheap 定食，揾左半粒钟无咩时间剩，见到山头火是鬼但啦。
依个四眼肥妹 waitress 想点呀？人家都未 order 完，系咁赶住走咁！仲不停想抢走我份 menu 啰！沙律，等等！拉面，等等！我仲未 order 完呀！全场得我地一枱乍㖞，我仲未叫野饮呢，走左去！要我亲自去攞返个 menu 睇，服务劣！果然系山头火，未食先上火！原来约左条仔黎舖头一齐食拉面啰！
海鲜沙律，三文鱼子？居然会系三文鱼子！当您遇上三文鱼子，您会想起谁呢？凯程的三文鱼子，我还是很想您。
海鲜沙律，三文鱼子、三文鱼、带子、熟大虾、熟蟹肉、生菜、蕃茄、昆布，超级丰富，卖相好靓好吸引，抵食！配上自家沙律酸甜 dressing，味道清新又醒胃。菜蔬鲜爽多汁，加埋多种海鲜坚正！
虽然只系晏昼 3 点，饮返杯 Asahi super dry 先，我鬼佬黎架麻，最后饮左两杯 high high 地，转头仲要落中环做野，哈哈。
辣面豉汤猪颈肉拉面，𩠌同汤面分开上咁得意，令我想起合记既出前一丁，系咪怕浸腍啲猪颈肉呢？
辣面豉汤猪颈肉拉面，猪颈肉 juicy 爽口，处理得非常好，笋丝鲜甜无渣，满意噃。
辣面豉汤叉烧拉面加大，热辣辣送到。哗！比想像中好食㖞，比预期中好好多，加底足足有两个面咁多，重量级加 HKD12 蚊都好合理。弯弯曲曲既拉面挂汤力强又咽咽靭靭，满意满意！口感似咽靭版辛辣面。朋友仔觉得味千拉面更好食，但我个人最讨厌味千拉面呢，好似食紧汤意粉咁啰，热熏一样麻麻地。
辣面豉汤叉烧拉面加大，冻半熟卤蛋非常美味啊！糖心完全流出，甘香甜美，好正！朋友仔食到劲开心。我今日第 3 只蛋喇，超标超标呢！叉烧超级肥美，软棉瘦肉搭上啫哩状脂肪，酱油浸得入味，跟炆五花腩肉一模一样，十分香口，但有点过肥喇。汤底深厚浓郁面豉味带少少辣，味道几好，但食完颈渴到夜晚呢！饮茶、饮可乐都救唔到，help！
张贴
