雅景餐廳小廚

营业中

休息中

用餐时间（11:56am lunch）正嘢 for more food info🐒 支持我哋发掘更多美食 😋冬菇亭买少见少，见到呢间粉岭屹立不倒咁多年嘅冬菇亭🍄仲营运紧，即刻仆入去。天寒地冻，饮碗南瓜猪骨汤🎃🦴真系无得顶，望落就知系老火汤，成个南瓜嘅纤维煲到一丝丝咁，啖汤清清甜甜，饮完唔会仲口渴，例汤应该要系咁。嚟冬菇亭叫炒嘢🥘是常识吧。虽然前后左右都食紧咖喱牛腩饭（下次会试）今日想食佢个炒饭。咸鱼粒切得好细，而且煎香过好出味，好似烟肉碎煎香一样。🥓🥓佢啲鸡粒似系由白切鸡🐔咁切出嚟，因为好多都连住鸡皮同埋好大嚿。啲鸡就冇乜味冇腌过。碟炒饭有一啲不知名嘅蔬菜，挑出嚟食真啲，原来系西兰花的茎梗🥦 ，因为出过水软焾身，食落口一啲都唔硬。啲饭成座山咁🏔️ ，而且落料唔吝啬，每一啖都系丰富嘅口感。茶水最后饮埋杯茶☕️，中规中矩，唔算有惊喜。