影片
更多
2011-01-03
50 浏览
不知不觉，原来沙嗲王都好多年，学生年代食系贪佢平，但大个左间唔时都会约朋友食沙嗲王，无可否认沙嗲王近年既转型几成功，租铺大多系楼上以减成本，菜式多元化主打年轻人市场，食几多送番相应coupon俾你等你下次再黎以留住顾客，怪唔得虽然地方大，但都经常爆满。今日荃湾呢间都系咁多人，难为楼下姐姐仔咁冻仲要企系度叫number入座。家父一向喜欢中菜，又唔能够下下去咁远，所以其实出街食饭都几头痛，今日想起沙嗲王，贪其多元化，应该总有一样岩大家食。食惯沙嗲王既朋友都知，呢度叫waiter加水、点菜都系靠个电子人肉摇控，好处系你坐到死角位偷情，但有需要时都唔会叫天不应叫地不闻，我就几喜欢呢个摇控了。蒜茸牛油鸡翼半客四只，炸得香口且嫩，但略嫌粉厚，蒜茸牛油味适中，但再重ｄ会更好味。自从第一次吃过之后，沙嗲牛肉粉丝煲差不多每次都点，沙嗲味适中，偏向重花生味多于沙嗲味，牛肉粉丝和金菇都足料，捞饭超正，叫得沙嗲王果然店如其名。鲍汁扒西兰花不要期望太高，无乜鲍汁味，是否鲍汁真的吃不出来。西兰花新鲜，再配菇菌类，吃得多重味野有碟菜是不错的。香芒鲜蟹肉炒饭的芒果过酸，没之前夏天时食的过瘾。这个本是除白咖哩猪扒饭外的
不知不觉，原来沙嗲王都好多年，学生年代食系贪佢平，但大个左间唔时都会约朋友食沙嗲王，无可否认沙嗲王近年既转型几成功，租铺大多系楼上以减成本，菜式多元化主打年轻人市场，食几多送番相应coupon俾你等你下次再黎以留住顾客，怪唔得虽然地方大，但都经常爆满。
今日荃湾呢间都系咁多人，难为楼下姐姐仔咁冻仲要企系度叫number入座。家父一向喜欢中菜，又唔能够下下去咁远，所以其实出街食饭都几头痛，今日想起沙嗲王，贪其多元化，应该总有一样岩大家食。
食惯沙嗲王既朋友都知，呢度叫waiter加水、点菜都系靠个电子人肉摇控，好处系你坐到死角位偷情，但有需要时都唔会叫天不应叫地不闻，我就几喜欢呢个摇控了。
蒜茸牛油鸡翼半客四只，炸得香口且嫩，但略嫌粉厚，蒜茸牛油味适中，但再重ｄ会更好味。
自从第一次吃过之后，沙嗲牛肉粉丝煲差不多每次都点，沙嗲味适中，偏向重花生味多于沙嗲味，牛肉粉丝和金菇都足料，捞饭超正，叫得沙嗲王果然店如其名。
鲍汁扒西兰花不要期望太高，无乜鲍汁味，是否鲍汁真的吃不出来。西兰花新鲜，再配菇菌类，吃得多重味野有碟菜是不错的。
香芒鲜蟹肉炒饭的芒果过酸，没之前夏天时食的过瘾。这个本是除白咖哩猪扒饭外的另一招牌饭，竟然会搅成咁真系可惜。也因为今天的芒果太酸，打消了我地本来谂住系度食埋甜品的念头。蟹肉太散，揾不到也吃不到，整体黎讲真系失败到极点。
越南春卷三条共六件，有点惊喜，春卷皮薄如纸，而且炸得脆，冬菇猪肉粉丝材料入味，不错。
以韩式石头碗配日式炸鸡，就是脆鸡洋葱蛋石头碗饭。炸鸡很和风，香口嫩滑，但稍嫌干身。熟蛋洋葱捞饭，再在上面洒上紫菜芝麻。味道对办，但石头碗本身做不到饭焦，整碗饭感觉干巴巴。
椒盐脆豆腐香口得黎内里嫩口，椒盐够味，喜出望外。
镇店之宝白咖哩猪扒饭水准依旧，三块猪扒一个人食够晒数，只是今日几个人分有ｄ到喉唔到肺。猪扒应该已用香茅腌过，不点咖哩都够晒味；白咖哩香之余带点辣，捞饭一流。
酥炸龙系新出品，简介写即系HALIBUT鱼骨炸，可防骨质疏松。好多地方都九唔搭八地话食骨可防骨质疏松，但我记得我睇过报导，咁食骨法系补唔到ｄ乜的。这碟酥炸龙为试食装，唔驶十蚊已有交易，外形似薯格，炸得香口，咬落去很脆，味道似炸鱼皮，但颇多油味，感觉是多吃无益。
老爸吃过之后无甚抗拒，看来以后一家人食饭，唔驶餐餐酒楼中餐京川沪，又可以多一个选择了。
张贴
