霸王山莊

营业中

休息中

呢间上海饭店以前返学成日同屋企人食，最近同屋企人经过见到仲系到，所以入左去食饭，环境同以前一样，暗黄柔和既灯光多左种旧式风味。北京烤鸭 半只 $248每次必点既片皮鸭，仍然皮薄香脆，脂肪少，无鸭骚味，吾太油腻，平时食2件已经济，呢度可以食到4件都无问题。另外京葱丝同青瓜好新鲜爽脆。小笼包 $55小笼包皮偏厚身，建议趁热食，肉汁占小笼包一半。霸王秘焖红烧肉 $142红烧肉焖到好淋，肉同脂肪各占一半，味道带黑醋既酸味又有啲红烧汁味，配饭食一流。干贝蛋白炒饭 $115食左好多较油既食物，配返个清啲炒饭就岩哂！炒过既干贝丝配蛋白炒饭，炒饭粒粒分明。雪城高力豆沙 $58貌相白雪雪既高力豆沙，颜色偏白，睇得出只用蛋白做出黎，入面有豆沙蓉馅，吾甜，size比较细小。