Delicious Eatery

营业中

休息中

晚餐谂唔到去边喥食嘢，朋友话不如问揾小店食，我第一时间谂起呢喥。呢间铺喺区内都好多年，虽然唔会成日嚟帮衬(因为外出食饭主要去商场嘅餐厅)，但佢哋食物一直都好有水准，我带亲嚟食嘢嘅人都话钟意。寻日叫咗是日餐汤，ribs同pizza。Pepperoni pizza个面铺满浓厚嘅芝士，啱嗮我呢个芝士爱好者。咬落去就有好丰富嘅辣肉肠，口感非常好。个ribs亦都好正，味道好之余，肉感亦好软。同朋友一边食一边倾偈，坐坐下店内其他客都走嗮，但店员完全无俾任何压力我哋。当我哋想走嘅时候，外面正落大雨，我哋同店员讲想等细雨少少先走，店哥哥好有礼貌好nice，话梗系无问题，叫我哋慢慢坐，最后我哋又坐咗15分钟先走。如果想喺何文田区揾间食物同服务都嘅西餐厅，Delicious Eatery绝对系好选择。