影片
更多
2024-03-12
360 浏览
今日去咗依间喺大埔屹立多年嘅鸡煲火锅店食饭，喺门口已经闻到好浓烈嘅鸡煲香味，入到去，铺面虽然唔算好大，但系差唔多八成坐满，成个场都好热闹。我哋点香浓沙嗲鸡煲，鸡煲好快就到咗，炒得好香，香浓嘅沙嗲汁围住啲鸡件，佢一滚就可以食。当然其实佢嘅凉拌都做得好出色，鸡煲未到之前可以食住凉拌等待。鸡件每一旧都好大嚿多肉，咬落去全部都比沙嗲汁包围住，味道好丰富，又惹味。肉质方面，鸡肉都尚算嫩滑，唔会因为腌料腌过龙而嚡口。而且我最喜欢嘅系佢啲鸡唔会好肥，唔会话食落去啲鸡皮劲厚，每一啖都食到鸡肉嘅嫩滑口感。顺带一提，我十分之喜欢佢哋嘅洋葱，浸住鸡汁浸到腍晒，好入味，甜甜地，打边炉嘅时候仲可以再嗌洋葱肉encore！两个人有半只鸡，好快食完之后就可以叫佢嘅火锅配料，有肥牛、滑牛、猪腩片等，一般肉类都尚算齐。丸类都好丰富，最钟意食佢哋嘅花枝丸同埋蟹籽包心丸，加埋沙嗲鸡汁一齐食，不知不觉就会食咗好多粒，蔬菜方面，有成十几款，娃娃菜油麦菜同埋生菜呢啲一定有，仲有芋丝、乌冬、公仔面，连红薯粉都有，食鸡煲一定要落红薯粉先入味。佢个饮品柜都好齐，除咗一般嘅汽水之外，仲有好多茶可以选择，有糖同埋无糖嘅茶都好多有得你拣，有
今日去咗依间喺大埔屹立多年嘅鸡煲火锅店食饭，喺门口已经闻到好浓烈嘅鸡煲香味，入到去，铺面虽然唔算好大，但系差唔多八成坐满，成个场都好热闹。我哋点香浓沙嗲鸡煲，鸡煲好快就到咗，炒得好香，香浓嘅沙嗲汁围住啲鸡件，佢一滚就可以食。当然其实佢嘅凉拌都做得好出色，鸡煲未到
之前可以食住凉拌等待。
鸡件每一旧都好大嚿多肉，咬落去全部都比沙嗲汁包围住，味道好丰富，又惹味。肉质方面，鸡肉都尚算嫩滑，唔会因为腌料腌过龙而嚡口。而且我最喜欢嘅系佢啲鸡唔会好肥，唔会话食落去啲鸡皮劲厚，每一啖都食到鸡肉嘅嫩滑口感。
顺带一提，我十分之喜欢佢哋嘅洋葱，浸住鸡汁浸到腍晒，好入味，甜甜地，打边炉嘅时候仲可以再嗌洋葱肉encore！两个人有半只鸡，好快食完之后就可以叫佢嘅火锅配料，有肥牛、滑牛、猪腩片等，一般肉类都尚算齐。丸类都好丰富，最钟意食佢哋嘅花枝丸同埋蟹籽包心丸，加埋沙嗲鸡汁一齐食，不知不觉就会食咗好多粒，蔬菜方面，有成十几款，娃娃菜油麦菜同埋生菜呢啲一定有，仲有芋丝、乌冬、公仔面，连红薯粉都有，食鸡煲一定要落红薯粉先入味。佢个饮品柜都好齐，除咗一般嘅汽水之外，仲有好多茶可以选择，有糖同埋无糖嘅茶都好多有得你拣，有啲枱亦都有饮酒。食完佢嘅鸡煲之后，明白点解佢可以喺大埔屹立多年，因为真系有水准，好多回头客同埋街坊过嚟食。
张贴
