影片
更多
2022-08-17
76 浏览
最近PICI开左新店，以后去铜锣湾又多一间好食嘅餐厅食！趁住出左消费券，今日就入去食番个Pasta dinner! 新店嘅位置几方便，系时代个地铁站出口行5分钟左右就到，正! 餐厅嘅装修好有东欧嘅风味，墙上挂住一幅幅嘅黑白相作画，而每张枱都有个小蜡烛台，烛光透过个台映影出黎嘅灯光都好靓！整个环境都好舒服，好有西式嘅风味！另一方面值得称赞嘅系，餐厅有唔同种类嘅座位，除左门口嘅半露天茶座以外，仲有可以睇住厨师们工作嘅吧枱位、二人嘅卡位以及圆枱位，可以满足唔同需求既人数嘅食客，Nice! Open kitchen嘅设计光猛明亮以外，仲让我地睇到厨房嘅情况，十分干净卫生，由制作意粉嘅过程到煮汁同意粉都一览无遗，可以好安心咁食！而且佢厨房个抽气系统做得好好，完全唔会觉得有油烟味！ 坐低之后，侍应就会比餐牌我地，而且会同我地推介今晚可以拣边几只意粉，每一间唔同嘅PICI都有佢专属嘅限定手制意粉，而夜晚如果2个人黎，可以试下呢嘅既TASTING MENU，每人$290，包左2个Starter, 3个意粉同埋2个甜品，可以满足有选择困难嘅大家，因为可以拣多1款意粉！👉🏻Octopus Salad 八爪
餐厅嘅装修好有东欧嘅风味，墙上挂住一幅幅嘅黑白相作画，而每张枱都有个小蜡烛台，烛光透过个台映影出黎嘅灯光都好靓！整个环境都好舒服，好有西式嘅风味！
另一方面值得称赞嘅系，餐厅有唔同种类嘅座位，除左门口嘅半露天茶座以外，仲有可以睇住厨师们工作嘅吧枱位、二人嘅卡位以及圆枱位，可以满足唔同需求既人数嘅食客，Nice!
Open kitchen嘅设计光猛明亮以外，仲让我地睇到厨房嘅情况，十分干净卫生，由制作意粉嘅过程到煮汁同意粉都一览无遗，可以好安心咁食！而且佢厨房个抽气系统做得好好，完全唔会觉得有油烟味！
坐低之后，侍应就会比餐牌我地，而且会同我地推介今晚可以拣边几只意粉，每一间唔同嘅PICI都有佢专属嘅限定手制意粉，而夜晚如果2个人黎，可以试下呢嘅既TASTING MENU，每人$290，包左2个Starter, 3个意粉同埋2个甜品，可以满足有选择困难嘅大家，因为可以拣多1款意粉！
👉🏻Octopus Salad 八爪鱼沙律
食八爪鱼最怕就系UN都咬唔开，呢碟沙律嘅八爪鱼就唔同，佢切到好细粒同薄，搭配樱桃萝卜片、火箭菜、蕃茄仔等等，酸酸甜甜，除此之外，仲加左d芝士粒同榄粒，令成个沙律既嘅味道层次好丰富，酸甜得黎间中会有份咸味嘅冲击，系一道好开胃嘅沙律菜
👉🏻Mediterranean Salad 地中海沙律
呢个沙律呢就多菜好多，入面有d苹果片，芝士碎同合桃碎等等，味道略微带咸，加左d苹果片中和下，带出甜味嘅层味，都几开胃同清新！
👉🏻Fresh Made Pasta of the Day – 白汁香草蒜蓉蚬肉阔条面
一开始个侍应就好热情咁推介我地一定要食呢一个，的确，真系好好味！阔条面吸晒蚬嘅鲜甜味道，好似将个海洋收藏左系d意粉入面，再加上香喷喷既蒜蓉，唔会抢左海鲜嘅味道，仲更添香气！而新鲜嘅阔条面好弹牙，新鲜既意粉口感真系好唔同，零舍弹牙d！
👉🏻Double Ravioli Pumpkin and Ricotta 南瓜芝士意大利云吞配辣肉肠牛油汁
好出色嘅意大利云吞，皮好薄，入面包左南瓜同芝士蓉，咬落去会率先涌出浓浓嘅香甜南瓜味，随后再有芝士味冲出黎，味觉冲击一绝! 加上有脆脆嘅辣肉肠脆铺面，添加左口感同微辣，YUMMY! 个汁仲加左少少柠檬，等我地食落去唔会太油腻！
👉🏻Farfalle Prawns and Pesto 大虾香草酱煲呔粉
煲呔粉嘅口感好特别，弹牙得黎又有咬口，最出色系d虾肉，煎到螺丝咁，劲弹牙，而且海鲜味重，推介!
👉🏻甜品 – Tiramisu 提拉米苏 & Panna Cotta意式奶冻
Tiramisu 味道浓郁，好滑好好食，最令人惊艳嘅系佢入面嘅脆饼都仲系脆！完全无淋到，好惊喜！
Panna Cotta好重奶味，口感细滑，加埋面果d红莓酱，酸酸甜甜，用黎做一餐嘅作结一流!
张贴
