麻辣娘子 (形薈) (已結業)

麻辣娘子筲箕湾筲箕湾道393号形荟1楼L1-02号舖今日同班同事都想食麻辣嘢，于是我哋就嚟咗筲箕湾呢边试吓新开嘅麻辣娘子先，餐厅环境都好靓，而且充满特色娘子香辣锅我哋叫咗安格斯牛肉，午餐肉，豆皮同埋椰菜花🥦，餐厅炒得非常惹味，尤其系椰菜花同埋豆皮都索晒啲香料，啱晒钟意食重口味嘅人，安格斯牛肉非常嫩口，好重牛肉味唇舌飘香水煮鱼鱼肉非常滑！而且冇骨，啖啖肉咁食好爽，底下仲有大量芽菜，莴笋，宽粉，完全系饱肚之选，而且辣又够香，好滋味脆皮小豆腐豆腐粒粒即叫即炸，再洒上椒盐，外脆内软，好香豆腐味之余口感非常好👍🏼完全食唔停口夫妻肺片酱汁惹味浓郁，牛肚同埋牛舌都切得好薄身，夹住辣酱食真系忍唔住想点多碗白饭送霸王辣子鸡 鸡粒新鲜炸好，同埋用咗鸡髀肉，啖啖肉得来又滑身，再配埋炸咗嘅腰果粒，好香口同埋佢炒得干身，食落一啲都唔邪恶饮品我哋点左几款，有黑糖珍珠奶茶🧋黑糖味好浓郁，珍珠烟靭好味，同埋杯饮品好大杯，十胜红豆抹香绿茶嘅茶味好清香，再配埋大大粒嘅红豆原来咁夹，手作鲜果抹香绿茶就用咗大量水果，有苹果，橙，菠萝，奇异果，啖啖水果味好清新