freshtea by happylemon (創紀之城五期(apm)) (已結業)

好耐冇饮过Happy Lemon，应该都系好多人学生时期既回忆，皆因系香港茶饮界都系元祖级，开左好耐。饮品店环境位于Open-area位置。饮品选择以茶饮做主打，有手榨柠檬茶、 岩盐芝士鲜茶、醇香奶茶、鲜泡茶、水果梳打、抹茶系列、醇品鲜茶、柠檬雪冰斯、奶茶雪冰斯及鲜姜系列。价钱最平$14就有交易，系一间价钱好亲民既大型连锁店，所以学生时期真系成日饮。岩盐芝士经典绿茶 $21(M)可以话系Happy Lemon经典中既经典之作，岩盐芝士系佢最basic既招牌系列，简单地配上绿茶，唔玩花款，系一杯还原基本步既茶饮。芝士奶盖有好厚一层，占整杯三分之一，一呷，岩盐芝士果然咸香味十足，岩盐比例恰当，咸道浓烈，而又唔会盖过芝士味，以45℃角饮，饮埋绿茶，岩盐芝士同绿茶两者即刻平衡返，咸味被绿茶中和，茶香味亦够，简简单单系最好饮，柠檬以外既好选择。