龍泉私房菜

营业中

休息中

岳父大人75岁牛一，下昼爱生事家庭一行八人第一次玩VR，难得岳父仲跳得唱得玩得，真系好开心，晚餐揾返喺观塘嘅私房菜贺吓佢，呢度有多款套餐以供选择，我地今晚拣咗E餐，位于骆驼漆大厦真系好方便，入到去装修光猛，地方整洁，仲俾咗间房我地，够哂舒适，等紧岳父个契女嚟就起菜，呢个时间侍应推介几款小食，岳父叫咗鸭舌，我就点咗豆腐，一嚟到就哗咗一声，成碟𩠌咁大碟仲叫小食，但又好好味，饱咗小小添，好彩先上翅，绝对系水准之作，连比卡猪都饮咗半碗，勾翅足料够份量；天下第一鸡，睇个名觉得有冇咁劲呀?食落又真系与别不同，有鸡味而肉质嫩滑，配上芝麻够哂香口；原只鲍鱼扣山珍海味，鲍鱼够腍入味，老人家唔够牙都食到，仲有海参、花胶、冬菇，骨胶原万岁；芝士龙虾伊面底，用最好味嘅澳洲龙虾，仲要连头尾上碟，真系唔影相都唔得；金银蒜粉丝蒸元贝，呢个就有点失败，应该为蒸得过火，有点硬了，可惜；招牌三色虾，睇个名会有期望，话得叫招牌嘛，食豉油王虾真系好出色，仲可以连壳食埋，虾丸有芝心，亦都够哂香口，反而个咸蛋味就差D喇，只得面有咸蛋味，虾肉完全冇味，有得剩就知唔得；因为岳父钟意食牛腩，特意加咗个牛腩煲，牛腩入味够腍超水准，但萝卜