影片
更多
2014-08-11
1491 浏览
一段日子无嚟寿司店食寿司，为老友移民而搞嘅饯行饭，有建议话食「峰寿司」，我当然无异议。由于位处新港中心地库嘅峰寿司无得订位，早啲去攞位嘅任务，就交由较清闲嘅小弟去做，不过，闲日7:15pm到达餐厅，人客话多唔多，话少唔少，总之，唔使点等位。入内，近回转吧位有较多客人坐，不过，我哋3个人当然坐其他4人座散位好啲啦，方便倾偈嘛。啱啱做紧一个期间限定「春之彩」系列，啲款式都几特别，试咗其中两款：樱花立鱼及吉备奈子，又有另一张「本店诚意推介」之选，当然兴致勃勃又点选咗两款：火炙芝士玉子及火炙北海卷。此外，再加埋大家嘅心水选择，食住先，唔够再嗌。反正打开本餐牌，里面嘅选择多的是，寿司、军舰、手卷、刺身、料理、汁物、乌冬、沙律……一应俱全。虽然有话食寿司有个次序，先由白身鱼开始食，跟住赤身鱼、多油份嘅鱼、贝类、军舰、卷物，不过，又唔喺咩顶级食寿司达人，轻轻松松随意可以啦。油甘鱼（$26 / 两件）、樱花立鱼（$24 / 两件）、挪威三文鱼（$14 / 两件）油甘鱼，淡红嘅油甘鱼，油花唔算好重，但甘香独特，鲜甜味美；樱花立鱼，鱼身雪白，入口肉质弹牙；挪威三文鱼，三文鱼油脂唔错，厚薄均一，$14已有两
入内，近回转吧位有较多客人坐，不过，我哋3个人当然坐其他4人座散位好啲啦，方便倾偈嘛。
啱啱做紧一个期间限定「春之彩」系列，啲款式都几特别，试咗其中两款：樱花立鱼及吉备奈子，又有另一张「本店诚意推介」之选，当然兴致勃勃又点选咗两款：火炙芝士玉子及火炙北海卷。
此外，再加埋大家嘅心水选择，食住先，唔够再嗌。反正打开本餐牌，里面嘅选择多的是，寿司、军舰、手卷、刺身、料理、汁物、乌冬、沙律……一应俱全。虽然有话食寿司有个次序，先由白身鱼开始食，跟住赤身鱼、多油份嘅鱼、贝类、军舰、卷物，不过，又唔喺咩顶级食寿司达人，轻轻松松随意可以啦。
油甘鱼（$26 / 两件）、樱花立鱼（$24 / 两件）、挪威三文鱼（$14 / 两件）油甘鱼，淡红嘅油甘鱼，油花唔算好重，但甘香独特，鲜甜味美；
樱花立鱼，鱼身雪白，入口肉质弹牙；
挪威三文鱼，三文鱼油脂唔错，厚薄均一，$14已有两件，实在非常抵食，顺带讲埋饭粒，饭粒带微暖，夹起唔易松散，大细恰如其分，一口一件啱啱好。
人气三点盛（$32份）、池鱼（$18 / 两件）、带子（$32 / 两件）、吉备奈子（$16 / 两件）人气三点盛，有三文鱼、千寻海老及带子，前者三文鱼上文已讲，带子下面会详细讲，而中间嘅千寻海老只不过喺甜虾加上蟹籽，鲜甜度十足；
池鱼，让咗俾两位朋友食，所以，无评语，亦无补充；
带子，因为大家都钟意食，所以点够两客，带子起咗双飞，都依然大粒厚肉，爽口鲜甜，超正；
吉备奈子，依个名都喺第一次听，外观好靓，有条银带围住，不过味道真喺唔得，有啲腥。
三点盛喺以3款唔同嘅寿司作「捆绑式」销售，人少或一个人嚟就最啱，可以唔使点咁多碟，但又试得款式多。依个系列有好多选择，每份定价都喺$18-$45，上面介绍过其中一款「人气三点盛」，跟住再分享另外两款：三文鱼三点盛及火炙三点盛。三文鱼三点盛 $32
一客有三文鱼他他、三文鱼及三文鱼腩寿司，由于唔喺一个人食晒3款，所以难以作一次性比较，只可以讲小弟所试嘅三文鱼他他寿司质素唔错，味道新鲜。
火炙三点盛 $32包括有鳗鱼、带子及三文鱼，因为火炙外，亦加咗酱油，味道偏浓，所以，较为惹味，而所试嘅鳗鱼油香嫩滑，食味不俗。
火炙芝士玉子（$14 / 两件）不愧为「本店诚意推介」之一，玉子寿司一向俾人感觉都喺普通啲，不过，加上芝士，再利用火炙，有种相得益彰嘅感觉。厚厚玉子嘅蛋香，半溶芝士嘅浓香，火炙轻烤嘅焦香，入口有份浓郁香味化不开嘅感觉，正。
火炙北海卷（$22 / 两件）另一「本店诚意推介」，睇名睇相都唔会知佢喺乜，其实喺三文鱼卷住饭团、放入薄片带子、芝士，火灸后加葱粒做装饰，又真喺几值得推介。味道、口感层次俱佳，有三文鱼及带子带嚟嘅鲜味，亦有芝士及葱粒带嚟嘅浓香及清新味，又点可以唔讲个「正」字结尾！
葱粒吞拿鱼腩手卷（$22 / 件）、海胆军舰（$36 / 两件）临尾再食个饱肚少少嘅葱粒吞拿鱼腩手卷，紫菜脆卜卜，最怕啲紫菜摆耐咗腍晒咬唔开；晌葱粒嘅清新衬托下，刴到细蓉嘅吞拿鱼腩唔单止好软绵绵，鱼味鲜明啲；而海胆军舰刻意加咗两小片青瓜，海胆绵香得嚟，感觉轻盈得多。
忌廉芝士薯饼 $32最后追加一客芝士薯饼，忌廉芝士虽唔似巴马臣咁有一丝丝嘅过瘾，但溶透软绵，芝士味浓，同样好味；而外层嘅薯饼，外壳香脆十足，内里仍带点粉软，跟忌廉芝士确然喺对好拍档。
食寿司饮绿茶好紧要，一件寿司一啖茶，可以清清味蕾试真每件寿司味道。峰寿司提供玄米茶茶包及一大个热水壶「自斟自饮」，初段都OK，不过，多饮几杯个茶包会无晒味。
补充一句，依家已经喺盛夏，相信「春之彩」系列应该一早完结，翻查官网资料，现在嘅期间限定喺「活力祭」系列，不过都喺做到8月尾。即使错过都唔紧要，相信跟住入秋又有其乜祭物祭嘅期间限定！
最后，藉此文祝愿老友在彼邦生活安好，揾到份好工，丰衣足食，唔忧柴唔忧米啦！
张贴
