田記魚蛋牛腩專門店 (塘尾道)

营业中

休息中

好耐无食过牛腩粉，黎开太子呢边做嘢就顺便喺度觅食下，经过呢间舖头见到牛腩粉好似几吸引，就决定喺度食午餐医肚😆餐厅主打金牌牛腩同埋崩沙牛腩，都有其他丸类食物供应，唔想食粉面仲有饭拣，一场嚟到，当然要食我最想食嘅牛腩河🤤崩沙牛腩牛丸河粉~一上菜就已经见到好！大！碗！几十蚊有一碗分量十足嘅粉面几抵食，卖相亦不错，见到有不少嘅配料，白萝卜，数块厚切崩沙牛腩，两粒大牛丸， 画面十分丰富🥰葱嘅份量可以自行调校，唔钟意太多可以唔落晒匙羹上嘅份量，汤底系浓郁嘅腩汁，充满牛肉香味，白萝卜吸收晒汤底精华，淡淡都十分juicy，清甜得来又带有牛肉香味🤤重点-崩沙牛腩亦没有令我失望，崩沙牛腩比起传统牛腩附带更多筋位，令整体口感更为爽口，带有少量油脂令整体更富油香，焖煮嘅时间刚刚好，肉质不会过老，反而够软谂，筋肉相连口感十分不错🤤牛丸亦十分弹牙，咬落去十分juicy，手打牛丸嘅感觉同平日喺超级市场买到嘅十分不同~油菜~加咗油菜一碟，估唔到份量都几多，生菜啱啱烚起仍然保持爽脆口感，加入少少蚝油作调味味道刚刚好，为整顿午餐带来一点田园气息☺️冻豆浆~最后以一杯冻豆浆作结，香浓嘅豆味，清清甜甜嘅味道令人心旷神怡☺️