影片
更多
2018-07-05
787 浏览
周末后嘅Blue Monday，喺晌工作上未上力嘅日子，最好就同朋友聚吓餐、食吓饭。是晚嚟到湾仔嘅「叁岚 」食晚饭，初初睇地址时都有少少眼熟，嚟到餐厅门口，就知即喺以前「香港邮意明信片航海主题咖啡厅」嘅旧址，估唔到转眼由咖啡店转为日本餐厅，因为早前先晌尖沙咀光顾过「香港邮意」，否则，仲以前佢执咗笠添。踏进里面，更估唔到嘅喺，里面嘅格局无变，尤其水吧位同上面嘅大黑板，跟之前嘅「香港邮意」一样，就连当时嘅大帆船模型，都仲「健在」，有理由相信喺店主想转型吓日式串烧店。而有变化嘅喺，只喺部份枱櫈唔同咗，同埋多咗好多跟日本相关嘅摆设，例如：日本清酒酒樽、写上串烧嘅木牌、日本画作……等等。不过，讲开啲枱，设计估怪，枱下有两条铁通横向打交叉，基本上喺完全顶膝头嘅。顺带一提，呢道跟前店一样，采自助式服务，即喺大家合作吓，餐具晌十出面专柜自取，用餐完毕，就麻烦帮吓手将啲餐具拎去回收处，即喺水吧旁嘅柜枱面，换嚟就喺唔收加一服务费。不过，你又唔使担心要自己走嚟走去去拎食物，晌收银处落单后，店员俾个号码牌你，返埋位安心等待食物送上。所有食物，就印晒晌一大张A3纸上，底面两版，除串烧，仲有小食、沙律、饭丼之类，
踏进里面，更估唔到嘅喺，里面嘅格局无变，尤其水吧位同上面嘅大黑板，跟之前嘅「香港邮意」一样，就连当时嘅大帆船模型，都仲「健在」，有理由相信喺店主想转型吓日式串烧店。
而有变化嘅喺，只喺部份枱櫈唔同咗，同埋多咗好多跟日本相关嘅摆设，例如：日本清酒酒樽、写上串烧嘅木牌、日本画作……等等。不过，讲开啲枱，设计估怪，枱下有两条铁通横向打交叉，基本上喺完全顶膝头嘅。
顺带一提，呢道跟前店一样，采自助式服务，即喺大家合作吓，餐具晌十出面专柜自取，用餐完毕，就麻烦帮吓手将啲餐具拎去回收处，即喺水吧旁嘅柜枱面，换嚟就喺唔收加一服务费。
不过，你又唔使担心要自己走嚟走去去拎食物，晌收银处落单后，店员俾个号码牌你，返埋位安心等待食物送上。
所有食物，就印晒晌一大张A3纸上，底面两版，除串烧，仲有小食、沙律、饭丼之类，唔使担心独沽一味得串烧；此外，饮品方面更喺意想不到嘅选择，有清酒、梳打都算正路，但竟然有多种咖啡、花茶，甚至乎港式嘅黑牛佢哋都供应。
值得一提喺佢哋讲到明，鸡类串烧都喺用上日本德岛县嘅「阿波酢鸡」，晌铜锣湾嘅「FireBird」食过一次，算喺日本走地鸡中嘅名牌，以肉质结实爽口，鸡味浓郁鲜甜而闻名。
由于所有串烧都喺叫点即烧，烦请耐心等待吓。反而，外面大热天时，晌出面睇住师傅烧我都觉得热呀，真喺辛苦晒师傅咯！
逢星期一至五有日式午市套餐供应，正常不过，但真喺最估佢唔到喺连西式甜品、两人用嘅西式高茶都有，绝对喺非一般居酒屋。但些少担心，做得唔咁专，会唔会搞到两头唔到岸！
松叶蟹肉蟹籽饭 $78见卖七十零蚊就有松叶蟹丼，好吸引嘅价钱，当然好奇想知喺咩料啦。个丼份量十足，不过，卖相真喺唔得，完全喺随意将啲材料放上面，无晒一贯海鲜丼整整排列嘅美感，而且，就咁放撮菜上去，唔靓又唔夹个口感。味道喺点，啲蟹肉算鲜甜，但真喺松叶蟹肉得好少，大部份都喺蟹棒，虽然，唔喺劲沟粉嘅货色，但欠缺鲜味，最奇怪作为一碗海鲜丼，个饭底喺热辣辣出晒烟𠮶只。讲真，我又喺天真咗少少嘅，正所谓以一分钱一分货，卖$78就唔应该有太多期望，因为之前食过几次蟹丼都卖近二百。讲到尾，呢个丼唔喺唔好食，只喺对啲食材谂多咗啫。
阿波酢鸡串一人前套餐 $148既然店家以串烧为主打，就梗喺要试吓啲串烧啦。晌餐牌所见，有一款一人前套餐，包咗12串烧物及一大配日本米饭，感觉好抵，而且，唔晒烦谂嚟谂去拣乜。
由于见佢写住「阿波酢鸡串」一人前套餐，所以，都无再刻意问，一心好天真认为鸡肉串烧会占多数，但实际上喺蔬菜类多过鸡肉类串烧：鸡中翼、鸡肾、鸡胸肉、鸡腿、鸡软骨、秋葵、菠萝、翠玉瓜、车厘茄、冬菇、烟肉韭菜、鸡脾菇，而串烧确喺有成一大盘。
味道方面，就唔逐样写喇，整体嚟讲，烧得不俗，啲鸡串烧几香口，又唔会干，最好食就自然喺鸡腿肉啦，软滑啲；而啲蔬菜串烧亦好味，只喺略嫌全部都喺盐烧，味道稍为单一啲。
烟肉车厘茄串 $28 / 2个烟肉韭菜串烧好食，所以，追加多一客烟肉车厘茄串，同样咁正。烟肉咸香，油份渗入车厘茄中，令车厘茄更鲜甜，而且，又爆汁。
荔枝梳打、热情果梳打 @$38唔喺讲笑，食完烧，唔喺啤酒嘅话，相信梳打喺另一夹晒嘅嘢饮。小弟就拣荔枝梳打，纯喺糖浆沟梳打水，够冻够解渴而已。唔及早前晌荃湾「韩阁」所饮到嘅有加入罐头荔枝肉嚟得有诚意啲。
店主养咗两只猫，佢哋晌店内周围走嚟走去，几得意可爱，而且都几乖，唔会骚扰食客，反而喺啲食客成日想抖佢玩。
「叁岚」转型，价钱就肯定喺属大众化嘅一类，不过，个人觉得仲有啲提升嘅空间。虽然话喺卖阿波酢鸡，但好似欠缺咗啲有亮点、吸晴嘅串烧咁。仲有，室内空调真喺要优化吓，因为烤炉设晌餐厅出面，要将啲食物拎出拎入，故经常开门闩门，本身佢哋嘅冷气又唔喺开得好太，食到个人有少少热，真喺要靠杯梳打咋。
张贴
