四姐川菜

营业中

休息中

由于太钟意食辣野，间唔时就会返内地食辣野，无奈假日嘅时间返内地动辄都要几个钟，车费同时间都晒咗...所以一直都好想系香港度揾到啲出色既四川/重庆菜既店，最后终于揾到四姐川菜！*今次我地order中辣*蒜泥白肉切得好薄，肥肉同瘦肉分布均匀，入口亦唔会觉得肥，但就食到猪既浓味。加上个汁香而不辣，非常之夹。夫妻肺片有牛肚，牛展，牛舌等等。呢味𩠌开始有啲辣，辣汁带酸加有香麻，非常开胃。不得不提，连啲花生都做得好出色！炸到极香脆，浸左系汁到既花生食到尾都一d淋都冇！招牌重庆水煮鱼二人份量但劲多鱼肉。肉嫩滑冇骨亦唔会夹散。一上枱已经好香，愈食愈麻辣，花椒落到足！垫底既薯粉出奇地唔淋仲要非常烟韧重好入味添！辣子鸡软骨食左几款辣𩠌，出乎意料每一道既辣都有唔同。呢个辣子鸡软骨就辣得黎带孜然味，炒得干身食起黎唔会油淋淋！川式椒盐虾开左边，炸到劲香脆，绝对可以食埋啲虾壳，我连虾头都唔放过，有香浓嘅虾膏！虾肉结实鲜甜。食到尾上左碟油麦菜，清清地清返岩岩食既重口味野平衡返，好细心另外呢度系划一收费按人头计，今次我地2个人食左咁多野就每位$340。觉得系铜锣湾食到私房菜，份量同质素都👍🏻👍🏻👍🏻，价钱算合理。