川之源

营业中

休息中

大约几个月前第一次黎呢间西营盘既川之源，呢度既四川菜特别写明系有辣有唔辣，适合好辣同唔好辣既同行友人一齐黎。今日工作天黎食午餐，平日午餐时段全满，等左十分钟先有位。午市有两款二人套餐，每款包凉菜，招牌，热菜各一，配白饭，汽水或桂花冰粉，收$248免加一。餐牌写明边个菜系辣或者素食。上次试过套餐A既番茄无骨鱼片，今次试下套餐B先。要左四川凉面，酸菜嫩牛肉同糖醋里脊。四川凉面面条系白色幼面，叫左BB辣。面条唔会一patpat，个汁对我黎讲算系小辣，酸酸辣辣咁，再加埋d酸菜蓉同大量葱花，几好味道。酸菜嫩牛肉酸菜嫩牛肉一大兜，牛肉片份量几多，真系几嫩滑同有牛味。叫左BB辣，不过汤底都几辣，重胡椒味。其他配料有酸菜，粉丝，蒜片同葱花。个人觉得叫呢个酸菜嫩牛肉抵食过番茄无骨鱼片。糖醋里脊糖醋里脊好正！里脊份量都几多，唔肥，都算脆口，个汁甜甜酸酸好开胃。白饭白饭成座山。桂花冰粉汽水或桂花冰粉，当然要桂花冰粉啦！冰粉很滑，完全唔甜，有淡淡既桂花味，食完个辣嘴无咁辛苦。个二人餐都几多野食，每人除返$124都算系咁。服务效率好高，适合返工人士食午餐。