串串貢 (已結業)

好耐冇食过任食串串，今日去咗深水埗试下呢间麻辣串串，喺一间楼上舖。$228任食，仲包埋海鲜拼盘一份，有青口花甲同埋大虾，全部都非常新鲜，啲虾咬落去仲要好爽口弹牙。汤底方面，叫左红白鸳鸯汤底$78，麻辣红汤唔系叫左四川老坛辣酸菜汤，酸辣味好够又多菜，唔辣嘅白汤叫左苹果蕃茄汤，煮完嘅食物都好重蕃茄味。串串方面，呢度有超过60款嘅食物任食，牛肉、鸡肉、猪肉、八爪鱼、猪大肠、鸡肾等等应有尽有，肉类方面都有好多唔同嘅调味，黑椒、孜然、咖喱、芫荽、麻辣、泡椒等等劲多选择，个人特别推介魔鬼鸡翼，食到超满足，我哋两个人食咗around 90串。