湘川滬 (已結業)

今日午饭时间充裕,同同事可以慢慢叹个靓饭,佢话不如食川菜咯??即时拍板去湘川沪。踏入门口由一位应该系经理既男士拉门,经过每个侍应都同客人打招呼,呢样几好,但系呢度只适合商务午餐/家庭聚会,唔多适合二人世界撑台脚,因为d侍应姐姐经常系你旁边准备,换个角度就系好容易揾到人帮你。食川菜梗系由四川姑娘渣fit lu,今日豪食左:夫妻肺片: 红卜卜油淋淋一碟野@_@ 里面有牛头皮、牛肚,前者un un地似牛筋,后者好淋,无乜口感,味道少少辣,不过真系好多油。红油抄手: 猪肉饀味道几好,云吞皮薄,个汁甜甜地又几好味,呢个唔错。小笼包: 入面好多汤!!肉饀同抄手d应该系一样,所以味道都几好,皮唔算好薄但都可以接受,点d姜茸醋就好醒胃。素菜包: 外型白雪雪好饱满,入面好多菜、冬菇粒,味道比较清,食左咁多浓味菜之后,用黎清下味觉都几好。担担面: 好大一只碗!! 面条颇弹牙,麻酱味道唔重,不过汤又几好饮。碧螺春: 味道ok,但觉得未够香滑,或者系自己买既茶叶比佢更好,所以被比落去。我未食过正宗川菜,所以唔知应该系点既味,以四川同事所讲味道唔算太正宗,都系已经改良过,不过已经算几ok。