成都小巷米線雞煲 (和富道) (已結業)

自从喺呢头返工之后，就开始发掘附近嘅餐厅，今日行吓行吓就嚟到喺和富嘅呢间成都小巷。麻辣米线可以话系川味车仔面，可以任拣几款配菜，我哋就拣咗麻辣腩肉、猪膶同黄金角，再加$3转水晶红薯粉，𠮶阵四川风味真系好正。另外仲拣咗水煮牛肉配米线，唔食得辣又钟意食辣嘅我就拣咗BB辣，不过我都觉得相当够辣味。水煮牛肉份量都够多。米线系另上，清汤嘅米线配合微辣嘅水煮牛肉真系非常之夹。韭菜煎饺子系即叫即炸，馅料胀卜卜，又够香脆。呢度有几款唔同口味嘅手撕鸡，我哋就拣咗唔辣嘅姜葱手撕鸡，佢嘅酱汁好正，配埋我最钟意嘅芫荽真系冇得弹。孜然烤中翼都好够肥美，味道都唔错。凉拌土豆丝条条都咁爽脆，少少辣令人非常开胃。另外佢嘅饮品都好抵，我哋分别拣咗冻奶茶(+$6)同埋红豆冰(+$10)，配合辣辣嘅美食，真系冇得弹。