十二味 (西菁街) (已結業)

今日去朋友屋企开party 各类食物都叫啲 喺呢间餐厅叫咗几个小食：酸豆角炒肉末，夫妻肺片同川式口水鸡口水鸡好多餐厅都有 但个人觉得呢间都几好味 因为佢唔会好多辣油死辣同好咸 同埋佢嘅鸡都系好厚肉同嫩滑 连佢伴碟嘅小青瓜都腌得非常入味 够晒刺激至于朋友拣嘅酸豆角炒肉末个人第一次食，酸豆角可能未必所有人钟意，不过我就觉得非常好送饭，少少酸，开胃，而且份量十足至于夫妻肺片本人非常愚昧以为真系只系得肺，唔啱我食，点知原来系牛肚，牛展等，食起嚟够爽，而且亦都系非常入味，佢嘅辣劲系慢慢渗出嚟，好食整体食物我哋觉得调味好得宜，唔会太咸太辣，但系亦都有应有嘅辣度，而家价钱都好实惠，值得一赞。