川館 (大王東街)

营业中

休息中

环境5分：红色地舖好鲜艳，入面白色墙好光猛，D画好前卫，楼面好高，挂左好多灯笼，细细间但唔迫，好有中国风味，可以畀五分。卫生5分：地方好干净，枱面有个火锅炉，一Ｄ都冇黐立立，卫生一样畀五分。服务5分： 服务员态度好，主动加水同收碟，爽手唔啰唆，服务畀满分。味道5分：1)    茶树菇爆炒猪颈肉大大条，又肥润又爽，少辣惹味，辣味啱啱好。2)    蒜泥白肉上枱好特别，入面夹住Ｄ菜仔同青瓜，食落非常清爽开胃。3)    蚂蚁上树Ｄ粉丝非常烟韧，有辣劲，可以送饭可以唔送饭，两种食法都可以。4)    大腕菜花系椰菜花同乡，好幼嫩好清脆，唔系度度都有得食，总知好正。抵食5分：平均每人两百几蚊又食肉又食菜又食粉丝，仲饮埋啤酒，好饱肚，抵食绝对值五分。