影片
更多
2023-11-06
18 浏览
同朋友讲起，家阵的串烧店如雨后春笋，不过就系因为太多，水准参差，中伏既机会都几高。毕竟已唔系年轻，无谓再做白老鼠，想吃的话，跟可靠朋友去食，稳阵好多，如今次跟队去了这间川烧 串烧 . 酒场。坊间的串烧店，川式日式两种风味，好少混为一谈，呢间可算是小数集两者于一身的店子。能够食下川味豆腐，又能吃到提灯；既可大口饮啤酒，亦有清酒及烧酎供应，都系唔错既选择丫~三人行，不如叫个二人套餐，再散点几串想食的，有够丰富了。$488之套餐，都有唔少嘢食，烟韧香口的烧鸡泡鱼干，沾点沙律酱，下酒一流！川烧豆腐外脆内嫩，记紧要点个汁，是灵魂所在。烧白鳝与及手打免治鸡肉棒，前者弹牙，后者唔会太死实，赢在口感。同样是口感取胜的，还有爽弹的牛脷，而汁烧壳饲一口牛，惹味之余，肉质保持松化。誓估唔到可以系呢类地方食到法式鹅肝多士，认真佩服。除了鹅肝，套餐内都有啲几特别既食物，譬如以腐皮包裹著温泉蛋来烧，再加点黑松露酱去调味及添贵气的出品。烧豚肉生菜卷卖相都几靓仔，感觉上又无咁邪恶，好食，亦可自欺地减低罪恶感。散叫选择唔少，当中有部份更只是$10/串，抵到无朋友，可以放心乱画，唔使就住就住。健康既翠肉瓜加埋芝士去烧，难
毕竟已唔系年轻，无谓再做白老鼠，想吃的话，跟可靠朋友去食，稳阵好多，如今次跟队去了这间川烧 串烧 . 酒场。
坊间的串烧店，川式日式两种风味，好少混为一谈，呢间可算是小数集两者于一身的店子。
能够食下川味豆腐，又能吃到提灯；既可大口饮啤酒，亦有清酒及烧酎供应，都系唔错既选择丫~三人行，不如叫个二人套餐，再散点几串想食的，有够丰富了。
$488之套餐，都有唔少嘢食，烟韧香口的烧鸡泡鱼干，沾点沙律酱，下酒一流！川烧豆腐外脆内嫩，记紧要点个汁，是灵魂所在。
烧白鳝与及手打免治鸡肉棒，前者弹牙，后者唔会太死实，赢在口感。同样是口感取胜的，还有爽弹的牛脷，而汁烧壳饲一口牛，惹味之余，肉质保持松化。
誓估唔到可以系呢类地方食到法式鹅肝多士，认真佩服。除了鹅肝，套餐内都有啲几特别既食物，譬如以腐皮包裹著温泉蛋来烧，再加点黑松露酱去调味及添贵气的出品。
烧豚肉生菜卷卖相都几靓仔，感觉上又无咁邪恶，好食，亦可自欺地减低罪恶感。散叫选择唔少，当中有部份更只是$10/串，抵到无朋友，可以放心乱画，唔使就住就住。
健康既翠肉瓜加埋芝士去烧，难为正邪定分界。烧鸡腿肉、鸡皮及猪颈肉等都交足功课。食左咁多肉，一记烧韭菜是最好的选择去平衡下。再者，店家都有些坊间相对罕见的好嘢，如安𩾌鱼肝、腐乳脆豆腐，甚些提灯都可以系度揾到，有啲料到。
甜品除左有必叫的烧菠萝之外，仲有好特别既烧芝麻汤丸，甜胃都表示满意。
张贴
