鮨川 (已結業)

新一年收到风花红今次都几和味，即刻揾埋朋友贺一贺佢话晒辛苦咗咁耐，慰劳下自己都唔过份啊。日本菜一向至爱，所以揾到呢间开咗唔太耐，环境又唔错嘅鮨川。店铺唔算大，以中间料理枱为中心展开，座位大概三十数位。两人都拣咗云－KUMO。主要睇下师傅手势同功架。前菜三点。高野豆腐，先覆盖樱花虾然后再酥炸，豆腐炸得外脆内软豆香系虾味嘅衬托下更突出。再加上海胆嘅鲜甜味，一口满足滋味。烟熏鸭胸。淋上芥末酱配搭，甜辣得黎有啲似食紧烧鹅嘅味道。鳕鱼白子。又一当造食材。酸汁开胃白子质感结实，奶香幼滑嘅口感真系百吃不厌。左口鱼／赤贝／带子寿司。用上桔皮碎屑提鲜不少。带子更配上腌紫菜酱，咸香结实。依佐目。紫苏碎及咸梅酱令鱼肉入口更爽甜，师傅都话系佢得意之作。牛柳配舞茸菇。牛肉三成熟好腍，肉味几浓配上Ｗasabi苹果酱，清爽又唔油腻。听师傅讲牛肉系黎本地农场养殖再再熟成，而舞茸更系老板自行培植，估唔到日本料理都食到本地嘅农产品，味道又几好真系有惊喜。白虾。只用上鱼子酱以咸味带出虾嘅甘甜。而深海池鱼。因为柚子胡椒嘅辛辣，令鱼油香味发挥晒出黎，好食。北海道马粪海胆。一定要即刻食，因为包裹嘅紫菜真系好松脆，用上芥末茎增加味