影片
更多
2020-12-18
4173 浏览
好耐之前已经听过川流有得打边炉，可惜就系未试过，近日够冻，食呢度嘅新火锅Menu是常识吧。 知道呢度嘅新Menu，全因C小姐极力推介，呢度新推出嘅贡布胡椒牛腩锅。 如果你有睇过我去川流嘅食评就知，对于佢嘅贡布胡辣羹，我系爱不惜手，于是知道用呢一个主题去做火锅嘅时候，非吃不可。 喺而家嘅情况底下，当然最好两个人吃火锅，唔好嘅当然系冇得食咁多嘢。 原来呢度嘅四川火锅，除咗牛腩之外，仲有好几个选择，例如酸菜桂鱼锅、山城毛血旺、沙姜鸡锅、红烧鱼头锅、三十三香辣鸡锅 ，选择之多实在令人头痕，只只都好似好好食，不过最后我都系选择牛腩，无办法，贡布胡椒太吸引。 前菜还是那样咁抢镜。 反而配料嘅选择就唔算太多，开头我觉得系缺点，但系当个火锅，嚟咗之后我就知道完全唔系一个问题。 你见到呢个锅底之后，佢再送上一大碟牛腩，牛腩系好似平时你出去食牛杂粉面店你叫剩牛腩嘅三碗份量 ，我同老婆见到个份量都真系吓亲，本身仲想叫一碟本地牛颈脊，即刻收返。 先试汤底，贡布胡椒香气好重，当然冇平时饮开嘅贡布胡辣羹咁辣，饮一口汤，加上甜美嘅大葱同冬菇，好正，净系饮呢个汤都饮咗三碗。 将煮熟咗个
知道呢度嘅新Menu，全因C小姐极力推介，呢度新推出嘅贡布胡椒牛腩锅。
如果你有睇过我去川流嘅食评就知，对于佢嘅贡布胡辣羹，我系爱不惜手，于是知道用呢一个主题去做火锅嘅时候，非吃不可。
喺而家嘅情况底下，当然最好两个人吃火锅，唔好嘅当然系冇得食咁多嘢。
原来呢度嘅四川火锅，除咗牛腩之外，仲有好几个选择，例如酸菜桂鱼锅、山城毛血旺、沙姜鸡锅、红烧鱼头锅、三十三香辣鸡锅 ，选择之多实在令人头痕，只只都好似好好食，不过最后我都系选择牛腩，无办法，贡布胡椒太吸引。
前菜还是那样咁抢镜。
反而配料嘅选择就唔算太多，开头我觉得系缺点，但系当个火锅，嚟咗之后我就知道完全唔系一个问题。
你见到呢个锅底之后，佢再送上一大碟牛腩，牛腩系好似平时你出去食牛杂粉面店你叫剩牛腩嘅三碗份量 ，我同老婆见到个份量都真系吓亲，本身仲想叫一碟本地牛颈脊，即刻收返。
先试汤底，贡布胡椒香气好重，当然冇平时饮开嘅贡布胡辣羹咁辣，饮一口汤，加上甜美嘅大葱同冬菇，好正，净系饮呢个汤都饮咗三碗。
将煮熟咗个牛腩放入去个汤度，吸进了个汤嘅甜味，好正，呢度嘅牛，不用多说，骟牯牛又点会唔好食，只不过份量真系太多，两个人真系好难食得晒。
最正系呢度嘅混酱，唔同嘅辣椒油，再加上仲有得加贡布胡椒，好似我咁每一碗汤都加多少少，特别爽，驱寒一流。
当然要叫啲菜，川流食花生芽系不二之选。
老婆钟意食鱼，叫咗一碟桂鱼片，又系份量够，新鲜又厚身，超好食，加上胡椒汤又系另一番滋味。
最后点可以不加一个宽粉做尾，食完呢个真系饱到上心口。
差点唔记得，呢度一定要叫最正嘅甜品。
藤椒兰香子意式雪糕，怪味大粬朱古力意式雪糕，同样咁正，两个都好难分高下，随自己口味吧。
最可惜系人手唔够，我意思系食嘢嘅人手，无论锅底同配料都比想像中出色，下次如果够多人食就可以试到唔同锅底同配料，不过都唔知几时先至有咁嘅机会。
当然如果你睇到呢度都好想试吓， 二人锅加上少少配料都可以系一餐唔错嘅选择。
川流
湾仔太和街28号湾仔荟贤居地舖
张贴
