影片
更多
2018-12-02
19 浏览
辣野从来都系我最爱，无辣不欢既我当令到朋友介绍一间系出色既川菜就当然要试一试系咪咁坚啦。餐厅系佐敦地铁站附近，步行十分钟就到，大大个招牌，有几有气势㖞。入到侍应就好热情咁招呼，仲会推介唔同既菜色，一心想食辣野既我当然要试下水煮鱼呢D名菜啦。除此之外，仲见到大大个banner 写住黄金脆皮九肚鱼，一于都试下啦。黄金脆皮九肚鱼份量多，卖相靓，就系呢道菜一黎到我既感觉。急不及待影张相就拿拿声食啦，九肚鱼非常饱满，外皮又松软又干身，而且一D油腻既感觉都冇，一咬落去即刻出晒烟，鱼肉非常嫩滑。榄菜肉松四季豆四季豆炒得岩岩好，唔会太生令到太硬，亦都唔会太熟搞到淋晒，而且肉松加埋豆豉，非常惹味。川味辣子安格斯呢个系餐厅另一个招牌菜，而且辣到仲可以有小，中，大辣，任君选择。钟意食辣既我当然要试试大辣，牛肉非常嫩，而且十分香口，呢味菜另一个好食既地方就系腰果，腰果炒得非常香，钟意食辣既朋友一定要试下。水煮嫩滑桂花鱼份量非常多，原条桂花鱼，而且卖相好吸引。都系有大，中，小辣既选择，今次呢个水煮鱼就拣左中辣。呢味菜唔系净系得辣，当中既花椒八角都令到成道菜非常香，而且仲有唔少配料，例如粉皮，海带，芽菜等，有唔同
辣野从来都系我最爱，无辣不欢既我当令到朋友介绍一间系出色既川菜就当然要试一试系咪咁坚啦。
餐厅系佐敦地铁站附近，步行十分钟就到，大大个招牌，有几有气势㖞。入到侍应就好热情咁招呼，仲会推介唔同既菜色，一心想食辣野既我当然要试下水煮鱼呢D名菜啦。除此之外，仲见到大大个banner 写住黄金脆皮九肚鱼，一于都试下啦。
黄金脆皮九肚鱼
份量多，卖相靓，就系呢道菜一黎到我既感觉。急不及待影张相就拿拿声食啦，九肚鱼非常饱满，外皮又松软又干身，而且一D油腻既感觉都冇，一咬落去即刻出晒烟，鱼肉非常嫩滑。
榄菜肉松四季豆
四季豆炒得岩岩好，唔会太生令到太硬，亦都唔会太熟搞到淋晒，而且肉松加埋豆豉，非常惹味。
川味辣子安格斯
呢个系餐厅另一个招牌菜，而且辣到仲可以有小，中，大辣，任君选择。钟意食辣既我当然要试试大辣，牛肉非常嫩，而且十分香口，呢味菜另一个好食既地方就系腰果，腰果炒得非常香，钟意食辣既朋友一定要试下。
水煮嫩滑桂花鱼
份量非常多，原条桂花鱼，而且卖相好吸引。都系有大，中，小辣既选择，今次呢个水煮鱼就拣左中辣。呢味菜唔系净系得辣，当中既花椒八角都令到成道菜非常香，而且仲有唔少配料，例如粉皮，海带，芽菜等，有唔同既口感，可以话系色，香，味俱全。
总括，呢间餐厅既食材同埋煮功都非常出色，食物种类多。而且仲有打边炉，下次一定要试下。
张贴
