麻辣派對 (金百利廣場) (已結業)

环境4分：正常楼上餐厅格局，派对主题四周围七彩缤纷，中国菜嚟讲环境都算前卫，有格调果种，气氛都唔错，枱同枱之间唔算太迫，可以畀四分。卫生4分：地方都好干净企理，枱面又冇黐立立，都系畀四分。服务 5分：服务员唔啰唆，够爽手，态度好好，服务可以畀满分。味道4分：1)      恋味毛肚虽然叫BB辣，但系越食越辣，非常惹味，送啤酒一流，一D部位爽，一D部位淋，非常得意。2)      七味鸡脆骨，名正言顺七味粉炸鸡软骨，脆卜卜，又一送酒好菜。3)      黑醋伴秋葵D秋葵好长，好脆，好新鲜，酸酸味味咁非常开胃。4)      大刀牛肉小面份量非常之多，有牛展，酸菜，花生，肉碎，葱，Ｄ面食得出系手打，烟烟靭靭，吸晒汤，非常有味。5)      饭后送桂花啫喱甜品，又香又可以解辣。抵食5分：四十八蚊一碗面系晚餐价位，绝对抵食，畀满分。