好川好菜 (已結業)

同朋友午餐揾到间川菜，我哋睇睇餐牌就睇下有咩好食，就先叫咗麻婆豆腐，食麻婆豆腐就知道间餐厅嘅川菜质素同埋厨师功驾到唔到家，呢一间食到真系好有川菜风味，麻婆豆腐唔会好辣，但系好有麻香，而且豆腐够滑，加埋个酱汁好惹味，捞饭真系食好多。另外嗌咗鲍鱼干烧锅，有八只鲍鱼真系有好多，而且鲍鱼煮到啱啱好，唔会好老，食落去食得出鲍鱼系好新鲜，带有少少辣味嘅香。再加咗个韭菜煎饺咬，落去唔会好油，而且充满韭菜，食落韮菜味好香。餐厅食物质素唔错，而且价唔贵，正！