滿江紅小甜甜 (已結業)

同好耐无见既同学仔食饭，大家都钟意食中菜，就揾咗呢间食川菜既餐厅。平日八点几嚟到上到嚟都见餐厅大半数枱都有人，睇嚟呢间餐厅都几受欢迎，好彩一早打咗去订位啫。打开Menu第一页就见到呢个特别推介既鲜茄野生鱼窝，我地就叫咗个小窝既($128)，等可以叫多啲唔同既嘢食，我地仲加咗$90转做桂花鱼。店员话用既蕃茄都系有机，会更加健康，个汤都有饮，好香甜同浓味，啲鱼都好滑好甜。原味焗蚬($72)，第一次见呢个做法，职员嚟到再介开啲钖纸，而啲蚬都几多，而且好大只，非常鲜甜入味。辣子鸡($138)，虽然上有好多辣椒，但我都食到，唔算太辣，即刻放心好多，好香口好食。干煸四季豆($55)，点都要叫个菜类食，我就拣咗最钟意既四季豆，炒得好香好味。麻婆豆腐($55)，都算几辣下同几大碗，不过都好好食，我地仲叫咗饭，啲汁捞埋饭食仲好味！ 红油炒手，自己几钟意，好惹味，个皮做得偏薄。回锅肉($58)，几香，份量可以再多啲就仲正！叫到成枱都系！