川味雞烤魚大王 (大河道)

营业中

休息中

今日出荃湾，发现好多横街窄巷都食店林立。上网见到呢间川味鸡烤鱼大王都几多好评，就去试下。平日，但都好爆场。店铺装修简单，以竹竿作外墙装饰，带出四川风味。其实我好唔食得辣，川菜都系第一次食。一开始，我地就叫左枝白酒。白酒够冻，入口甜甜，带点酸味。虽然有9%酒精，但酒味出而不灼喉，容易入口。价钱亦唔贵，好抵饮。百五左右。第一味凉拌鱼皮平时食开都系炸鱼皮，见菜单有一道叫凉拌鱼皮，便叫来一尝。用上花生，青瓜丝，羌荽作伴碟，辣油覆盖著鱼皮。散发阵阵麻香，花生十分香脆，鱼皮入口顺滑不腥。第二味食左呢个凉拌豆腐呢个辣味无凉拌鱼皮咁重，辣香为多。豆腐外层炸成金黄色，香口不油腻，内层软滑。必食推介! 口水鸡肉质结实，有有嚼劲。麻辣味刚刚好，食左几旧嘴唇麻麻的，几得意。花雕醉鸡煲口感嫩滑而且没冰鲜味，应该系用新鲜鸡，厨师刀法好好，食唔到有碎骨，可以大口大口咁食，份量十足。略嫌酒味较淡。薯粉&火焰芝心包薯粉带有螺旋纹，口感丰富弹牙我地前菜味道较浓，鸡煲味道淡淡。薯粉建议最后放入，吸收汤嘅精华。火焰芝心包用料有别于一般芝心丸，芝士味更浓郁。一咬芝士马出流出，记得唔好一啖放入口。