伙食工業 (已結業)

工业邨入面其实都有几间靓cafe，一入门口就比佢既装修打动到，虽然系cafe，但工业风既设计加埋间中会隐约听到出面既环境声，反而令到整体环境更加舒服自在，减少左一般Cafe过分宁静既焗促感，呢度空间亦非常大，系可以好好咁坐下食餐饭既好地方🤗🤗Lunchset比想像中平，大部分都五十几包埋茶啡，加钱可再转特饮。美禄恐龙本身美禄底已算浓郁，饮到尾再将面头既美禄粉mix埋一齐饮，有三种朱古力蛋糕既浓厚感觉，一定要试。台式盐水鸡饭冻食，味道足，不太油腻，几啱轻口味人士试。台式香酥鸡排面汤头清甜，面底弹牙，唔错。鸡排炸得好香脆，咸度ok，有啲过辣，要配面/饭食既辣度。