影片
更多
2014-12-04
2263 浏览
话说我因工作关系时常到不同地方食野，见平时自high得多，就决定同大家分享下。而今日我就来到呢间鮨一日本料理，鮨字在日本有刺身之意，真系令人期待。点知，师傅拎嘅第一碟唔系一般鱼生，而系「白子」。我望住呢旧白潺潺，疑似脑袋嘅物体，望望师傅，再试一试，入口即溶，配𩽾𩾌鱼肝更是鲜味一流，但我仍然系要问：「到底白子系咩嚟㗎？」终于，佢答我：「系鳕鱼嘅春袋。」⋯⋯嗯⋯⋯老实讲，我本身谂住食下三文鱼吞鱼海胆带子海虾就收工，但呢下少女含「春」真系唔知比咩反应。后来我查返资料，原来白子系日本流行食物，可打边炉可煎炸亦可生食，只系小女子小见多怪啫，而且只有一年只有冬季食得到，好补身㗎。不过第一次的确系会有心理障碍，明白嘅，第二回合我就试返寿司拼盘，特别推介海胆同吞拿鱼腩（拖罗），食识海胆都知，要大大块，金黄色，d粒粒要分明而坚挺先叫正，鮨一果然不负我所望，但海胆的确好鲜甜！而拖罗先甜后甘，鲜味挥之不去亦令人难忘。此外，烟肉带子串烧同天妇罗都不容忽视，今餐真系又惊又喜。小总结：虽然开波要我食春袋，但后尾d刺身咁正就算数啦！价钱对返食物其实唔过份的，环境虽小，但胜在整齐清洁，小店亦流露人情味～听讲大埔翠怡
话说我因工作关系时常到不同地方食野，见平时自high得多，就决定同大家分享下。而今日我就来到呢间鮨一日本料理，鮨字在日本有刺身之意，真系令人期待。点知，师傅拎嘅第一碟唔系一般鱼生，而系「白子」。
我望住呢旧白潺潺，疑似脑袋嘅物体，望望师傅，再试一试，入口即溶，配𩽾𩾌鱼肝更是鲜味一流，但我仍然系要问：「到底白子系咩嚟㗎？」
终于，佢答我：「系鳕鱼嘅春袋。」
⋯⋯嗯⋯⋯老实讲，我本身谂住食下三文鱼吞鱼海胆带子海虾就收工，但呢下少女含「春」真系唔知比咩反应。后来我查返资料，原来白子系日本流行食物，可打边炉可煎炸亦可生食，只系小女子小见多怪啫，而且只有一年只有冬季食得到，好补身㗎。
不过第一次的确系会有心理障碍，明白嘅，第二回合我就试返寿司拼盘，特别推介海胆同吞拿鱼腩（拖罗），食识海胆都知，要大大块，金黄色，d粒粒要分明而坚挺先叫正，鮨一果然不负我所望，但海胆的确好鲜甜！而拖罗先甜后甘，鲜味挥之不去亦令人难忘。
此外，烟肉带子串烧同天妇罗都不容忽视，今餐真系又惊又喜。小总结：虽然开波要我食春袋，但后尾d刺身咁正就算数啦！价钱对返食物其实唔过份的，环境虽小，但胜在整齐清洁，小店亦流露人情味～听讲大埔翠怡街都几多好野食，下次再探索下啦。
张贴
