Coti the Bistro (五芳街)

营业中

休息中

撞啱今日去新蒲岗做野，见彩虹道有间冻肉舖就谂住入去八下，点知系连接住一间新开嘅cafe，Cafe有小清新嘅感觉，原木色加米白色嘅布置，天花仲有小稻草，清幽嘅环境令人忍唔住要坐低休息一下，好好享受一个午餐。首先我地有慢煮鸡胸肉沙律，沙律菜好新鲜，食落口声音清脆，而且好少餐厅会配以樱桃萝卜😋，鸡胸每件都好厚，但完全唔「鞋」仲好够味道👍🏻👍🏻主菜我地叫左伊比利亚猪肩肉伴野菜沙律、蕃茄蔬菜汁、鼠尾草炸薯条同原条鳗鱼滑蛋饭，虽然猪肩肉酱汁唔多，但好够味，不过猪肩肉略微overcook嫩返啲会更好，猪味亦好够，蔬菜汁有少少似西梅汁嘅味道，配以沙律都唔错，另外，鳗鱼饭上嘅滑蛋蛋味浓且滑，配合啖啖鳗鱼饭简直一流👍🏻至于甜品亦非常美味，本来我唔太钟意食千层蛋糕，怕太creamy，估唔到呢个crepe cake又唔会呢种感觉，cream嘅甜度刚刚好，加埋朱古力酱一齐食令味道更好，不过如果旁边旧cream改做雪糕就perfect! 饮品我地拣左棉花糖朱古力同蜂巢咖啡，朱古力味好浓好浓👍🏻👍🏻，虽然有棉花糖喺面都唔会过甜，至于蜂巢咖啡，个人就钟意咖啡味重返啲，少啲奶会更啱口味。