The BASE (已結業)

系呢头反工都两年几，基本上咩餐厅都食匀唒，真心想讲唔系贵就好食。之前仲有间日本嘢食到人入厂，所以话食餐饭，唔伏都真心高兴。The base系度都一段日子，有同事试过都几好，今日无订位上去睇，又好在有位，试下无妨。餐牌就一个主食一杯饮品，老老实实唔系平。系熟食中心有间食春鸡都又汤又包又饮品都系四五十蚊落楼，想讲中伏就大件事啦。今日想食鱼，餐牌有三文鱼，死就死啦。等咗阵上枱，又几靓仔㖞，又大件，终于明白啲嘢点解贵，成本都系度啦大佬。试埋个味道，都几有层次，有啲蒲烧鳗鱼咁，又有啲柚子味咁，三文鱼又甜甜地(后来先知有落盐曲去腌，讲真我都唔知系乜)，都真系几好食。如果要讲，咪系蛋无乜蛋味啰。跟餐有凉茶，自己煲，几有心机。佢地有啲慢煮嘢，下次试下先。