Pati by Lassana (已結業)

系荔枝角的工厂大厦food court ，揾倒个小天堂，黎到呢度你会有选择困难症，以一人午餐为例，$59 有1款主菜 + 1款配菜 + 1款沙律同埋1杯餐饮。要意式咖啡就加多 $10当中主菜有8款选择咁多，有芝士龙虾仔碎蛋拖鞋包、烟三文鱼碎蛋牛角包、吞拿鱼墨汁包、巴马火腿芝士百吉包、BBQ汁烧排骨、炸蟹饼、炸鱼柳及韩式炸鸡。配菜有4款，忌廉芝士焗薯、鲜炒杂菇、芝士焗菠菜，焗薯。沙律有6款。有烟鸭胸沙律、红菜头沙律、凯撒沙律、意粉沙律、华都夫沙律、地中海沙律。花多眼乱，样样都想食，最后精挑细选左以下既食物：牛角包外层松化香脆，入面有油润肥美既烟三文鱼，湿润既碎蛋，同埋新鲜爽脆既沙律菜，绝对唔系敷衍你既普通货色。焗薯放满左忌廉芝士同碎蛋既焗薯略嫌唔够软腍，而且忌廉芝士同碎蛋份量都唔够，引致整体比较干身，有点失望。蜜桃烟鸭胸沙律新鲜爽脆既沙律菜，加上烟鸭胸肉，同多汁既蜜桃片，配搭得宜，简单清新。加埋杯Latte，香浓幼滑，呢个中午真系坚丰富。