Go Inside Kitchen (已結業)

观塘啲工厦餐厅多如天上繁星，讲真，我都食过好几间，唔系间间好味之余，价钱同连锁西餐厅睇齐味道等同连锁茶餐厅，自问对食有要求嘅我，觉得性价比都好重要。同契妈两个人食饭，既然我哋两个都系观塘返工，就一于上网睇吓边一间食得过，契妈唔食牛肉，我记得上次午餐，同啲同事嚟呢度食过，佢哋嘅三文鱼都唔错，所以今日晚餐就决定咗再嚟呢一度。出奇系餐厅虽然细细地，但系都差唔多满座。我哋决定叫一份德国黑椒猪手，一份pasta。炸猪手好细心已经起咗骨，肉嘅味道唔会太咸，分量亦都偏大，配菜有炸薯条，最后我哋两个人都食唔晒啲肉。呢个蘑菇青酱pasta真系做得唔错，青酱味道做得好浓郁，仲有大大嚿嘅黑啡菇，分量方面亦都够哂两个女仔share。原本我哋仲谂住留肚食甜品，但系唔得喇真系太饱。