職人食事 (已搬遷) 新店位置

今日去开观塘做嘢，揾吓工厦边度有丼饭啦！近近地，骆驼漆有职人食事，无睇open rice之后前来，食完睇返其他人嘅食评，相同意见，食物味道要改进呢🤭自己点左一个刺身鱼生饭🤔价钱$100，唔贵唔平，中价。见到餐牌系餐厅推荐，鱼生望落卖相就唔错，但系识落唔够新鲜，亦都冇乜鲜甜味，某几件仲有少少腥。例如吞拿鱼同海胆，吞拿鱼好厚，食落满足，不过好腥。海胆就苦苦地，唔鲜甜。另外帆立贝，亦都冇甜味，淡茂茂咁。个虾只系普通细甜虾，冇特别。.以呢个价钱，观塘附近有另一间食刺身饭嘅小店，质素好好多🙈而且所有嘢都系自助形式，一个人去食，又要睇住个袋，又要自己攞嘢，有啲唔方便。