FAB Kitchen (已結業)

约左朋友大年初四出黎行下食野顺手拜年，上网Search下有咩推介，多正评就试试佢啦坐低order左以下几样食物 (前菜: 粟米汤同芝麻酱红椰菜配蜜桃沙律; 主菜: 意式米兰炸猪扒同辣味香蒜棷榄油意粉配红虾; 饮品: Latte Macchiato同Dirty)A) 环境 ⭐⭐⭐ （3/5）餐厅座位算多，可能因为农历年假完结后大家都开始上班，人流比较少所以无挤迫感，至于餐厅装修较为简约唔太花巧，因此唔会有太多打卡位可言。B) 食物质素 ⭐⭐⭐⭐ （4/5）先讲餐汤同餐包，餐汤系粟米汤入口有粒粒粟米溶，而餐包一食落暖笠笠十分松软而且带香料味。主菜意式米兰炸猪扒虽然唔系咩特别既食物，但食落外脆内嫩，中间包住芝士同火腿，味道好好。而意粉方面，红虾鲜嫩弹牙，可惜整体较为油腻。至于饮品不过不失，个人认为Dirty如果可以再冻少少就更好，因为饮得Dirty都系想品尝果种冷暖之间既层次感。C) 店员服务 ⭐⭐⭐⭐ ⭐ （5/5）店员友善亲切，主动帮手拉座位，更主动帮手将我既背囊放入收纳盒，十分抵赞。D) 性价比 ⭐⭐⭐ （3/5）性价比黎讲，呢个价位有齐前菜、主菜、饮品同甜品已经算唔错，属于合理水平。