日作食堂

营业中

休息中

今日收工决定同朋友一齐探索下骆驼漆对面嘅一间靓餐厅～餐厅位置一样系开源道，轻松揾到！超级传统嘅日式装修，好IGable!真心拎嚟打卡一流，睇得出舖头系装修方面落咗好多功夫，过嚟食嘢环境分真系满分！我哋叫咗一碟和风厚切吉列北海道豚肉眼扒定食！猪扒嘅肥瘦比例perfect match! 食落外脆内软，真系食得好满足！啲特制猪扒汁仲好好味，解咗返吉列炸皮嘅油腻感！我哋叫呢个系餐，餐厅会送你渍物两款＋面豉汤＋热定冻茶！面豉汤入边仲有只大大只蚬啊，啖啖蚬味道鲜甜又无沙感！个人觉得呢个好加分！出边食亲蚬都系有沙，体验感超差！朋友就叫咗佢哋嘅招牌盐烧安格斯牛小排！各种味道都盐烧得好均衡，唔会有一啲特别咸嘅情况。而且仲有个类似烧汁嘅酱，配埋食啲牛排，啲酱汁唔会咁咸，仲带有啲甜味，搭配白饭、味噌汤同啲小菜，啊！整体真系好丰盛！安格斯牛小排经过盐烧，表面啲金黄色，肉质鲜嫩多汁！而搭配嘅小菜都系牛蒡丝、青瓜等等，好清爽又好味，系营养均衡嘅感觉！餐厅整体高质，staff服务态度好好，个人觉得系物超所值，环境亦都好值得加分！