INN - I’m Not Nothing

营业中

休息中

荔枝角D2 Place附近既工厦入面有唔少西餐，系Openrice 揾到呢间餐厅，又系正D2 Place对面，一入到嚟，装潢摆设都好靓，感觉好warm，啱哂嚟打卡。英式炸鱼薯条有一件几大旧既炸鱼，鱼肉软嫩湿润，金黄酥脆既炸皮好够薄，唔会同鱼肉分离。虽然本身钟意食加盐加醋既炸鱼，不过点沙律酱亦同样滋味。薯条几香脆，仲有沙律中和下个油腻感，作为小食，份量刚刚好，唔会过量或者食完唔够喉。奶油大虾嫩菠菜烟肉忌廉意粉一碟有四件大虾，虾肉处理得几好，食落爽口弹牙。菠菜略嫌少左啲，不过烟肉粒都几多。意粉软硬度刚好，非常挂汁。波士顿龙虾肉罗勒忌廉意大利饭攞盘好靓，risotto上面有半只波士顿龙虾，价钱都系$148，性价比都几高。虾肉几烟韧，不过我更加钟意个忌廉意大利饭，混合左唔少菇同配料，食落好creamy好有层次。