Add Some Thai Restaurant

营业中

休息中

泰国金柚海虾杂菜沙律⭐️⭐️⭐️⭐️第一次食沙律唔系用碟，亦都唔系用碗，而系用咗一个玻璃樽，樽内除咗沙律菜、柚子外，仲有两次沙律汁作装饰之余，亦可以自己控制沙律汁嘅份量，而柚子份量适中，沙律菜亦都好新鲜。马拉盏通菜⭐️⭐️⭐️⭐️马拉盏味道好香，通菜份量亦好多，多到都食唔哂，人多嚟食就抵哂！招牌黄金咸蛋鲜海虾⭐️⭐️⭐️⭐️⭐️海虾都够大只，满满嘅咸蛋黄铺满整只海虾，啖啖咸蛋香味，虾肉结实弹牙就系新鲜嘅证明！A.S.T.串烧拼盘⭐️⭐️⭐️⭐️⭐️拼盘内摆放不同种类嘅串烧，包括牛肉、猪肉、鸡肉、鱿鱼、鸡软骨等等，不得不提嘅系新鲜菠萝，甜度爆灯。白雪鲜蚬椰子鸡汤⭐️⭐️⭐️⭐️⭐️保守估计都有差不多半斤蚬，只只蚬肉都好饱满鲜味，再配上椰子鸡汤，令到成煲汤格外鲜味！