Add Some Thai Restaurant

营业中

休息中

又系传单带我去揾食系列！凭传单送饮品！😆踏入店舖内灯光柔和，装潢以泰国水灯节为主题，有流水式波波灯布置，又有天灯形状灯饰挂在假天花。今次叫左一碟金边粉已经好饱，其实一d都唔辣～ 系泰式酸酸甜甜（不过我嫌佢甜咗少少你）。泰式炭烧猪颈肉炒金边粉 ：超大份，猪颈肉厚薄刚好，泰式调味酸辣甜，配埋脆脆花生囗感，另外仲跟埋半个青柠仔，加啲青柠汁喺猪颈肉上面零舍清爽，唔油腻。反而杯冻柠茶有惊喜，泰式花茶底，饮落淡淡花香味。买单时，店员话店舖内，还设有2间独立箱房！可以一边唱住卡拉OK用餐，一边玩board games，够自由又隐私。下次可以揾埋多啲人一齐玩一齐食。