樂舍 (已結業)

Shack Rakuzaka 放监要食好啲观塘巧明街又有新商厦打造楼上食肆，朋友喺附近返工食过介绍我嚟呢度。呢间餐厅装修非常chill。收工时间更有happy hour，立即同同事过嚟试吓。见佢门口有个餐牌，写住$99有一杯嘢饮两款嘢食，嘢饮方面有酒类拣，嘢食方面更加有主食添。但眼见有日式石烧，立即放弃咗呢个超级优惠。今晚叫咗一份牛肉眼定食。肉眼本身已经上咗扒炉轻轻烧咗一边，其余靠热石去控制块扒几成熟，换言之块扒停留喺块热石上边块扒就会越韧，所以如果钟意食生啲嘅朋友记得快啲夹起😂另外叫咗一个香蒜榄油虾意粉。意粉控制煮嘅时间非常好，好有咬口，虾已去壳非常细心。蒜蓉用橄榄油爆香，渗透所有意粉。另外餐饮可以加钱饮生啤。我哋叫咗两个小食送酒，一个烧鸡泡鱼干，鸡泡鱼干烧得好软身，咸咸地好好送酒。另一个黑松露薯条，落咗芝士碎，亦都非常香口。