I Chef Kitchen (已結業)

新开食民营内发现有间稳世食店，I chef kitchen嘅大㕑系五星级酒店出身㗎，食物果然有保证！👍🏻👍🏻👍🏻只睇卖相已够吸引、食物又新鲜、味道更加唔洗问！果然酒店级水准！但平民化价钱！ 今次点咗3个餐，西班牙薄饼、温泉蛋烟三文鱼柠檬忌廉汁配饭、鸡肉火腿蕃茄汁配饭！2个饭餐都配上餐汤、沙律&饮品！而今日餐汤系青豆薯仔薄荷汤，试第一啖汤，哗！估唔到薯仔汤系可以做到咁清新口味喔！ 温泉蛋烟三文鱼柠檬忌廉汁配饭，真系喜出望外！我平时唔like食烟三文鱼，因为大部分都又咸又鞋！但今次试咗啖，竟然有清淡烟薰味之外，仲要肉质鲜美又滑滑！温泉蛋又做到半生熟，合到好处！😋😋鸡肉火腿蕃茄汁配饭，初时肉眼望上去，以为系平时普通鸡扒，点知咬一啖鸡肉竟然嫩滑到不得了㖞！2个饭套餐都配上和风沙律，D菜好新鲜爽脆吖！香港人平时多肉少菜，套餐唔单止有汤，仲加埋沙律，真系好细心喔！最后系西班牙薄饼，材料用上巴马风干火腿、水牛芝士、车厘茄+茄酱！薄饼底做到好香脆，水牛芝士配上巴马火腿，两者味道不单止好匹配，而且水牛芝士仲香软到可以拉出一丝丝芝士呀！😋😋😋😋以后又多个美食之地啦，下次一定要试埋鐡板套餐！