豪隍點心工房 (已結業)

黎到观塘想饮茶，唔想去一般嘅酒楼咁闷，谂到不如行去工厂区附近食豪隍。地方都好阔落。炸物不宜多食，少少地叫左咸水角，即叫即炸，外皮真心好薄好脆。热辣辣炸起即食系无得输。蒸野嗌左三款：第一款系竹笙上素饺，菜切得幼细，仲有竹笙都几爽口，呢款颇清新而且坊间少见。继续食蒸点心，虾饺烧卖系饮茶必叫，唯一同外面酒楼好唔同系可以2粒咁嗌，好有弹性，人少都可以尝试唔同款式。珍宝尺寸嘅虾饺皇，啖啖海虾肉加笋丝。烧卖皇同样份量十足，肥瘦猪肉比例均衡，唔会咬落一大啖肥油，好完美。