I Chu Club

营业中

休息中

今次要介绍嘅系呢间位于火炭工厂区嘅西餐厅。呢度嘅晚餐因为性价比高喺区内都几出名。今次试咗佢哋嘅下午茶，估唔到几有惊喜。☄️水牛城鸡髀配薯仔沙律+一口西多士（$46）水牛城酱，茄汁比例较重，加上黑椒，食落酸酸辣辣都几开胃。虽然Menu系配薯仔沙律，但嚟到嘅系西瓜、哈蜜瓜配千岛酱嘅水果沙律，都几惊喜。☄️烟三文鱼牛油果蛋沙律牛角包（$48）两个迷你牛角包夹住满满嘅馅料，食落满足感十足！大细有啲似汉堡，食落都唔会好论尽。两款食物份量足够，作为下午茶嚟讲可以话系高水准之作。整体嚟讲性价比都几高，奶茶都有拉花呢点真系几惊喜，不过味道就未必好啱钟意传统港式奶茶嘅朋友。经开火炭嘅朋友不妨去试下！