BB辣

营业中

休息中

有时净系工厂区嘅美食，都可以食足一个月，真系各式各样都有，今日行完香工，原来呢度都有川菜食。好，坐低睇吓有咩好食先。必食酸菜鱼例牌，呢度个酸菜鱼够晒酸，而且份量足，两个人食啱啱好，鱼块好滑溜，仲有大量酸菜、芽菜，都系叫碗白饭送下先。麻辣海蜇，唔会太辣，带少少麻香，唔错。饮品叫咗杞子菊花茶、蜂蜜雪梨茶，食完麻辣嘢，饮番杯饮品透心凉。炸小馒头，啱啱炸起好香脆，好钟意点炼奶。红糖桂花冰粉，食四川野，点可以无冰粉，𠮶种凉浸浸、滑嘟嘟嘅感觉超正！