泗興食堂

营业中

休息中

今日到柴湾帮朋友手搬野。搬完之后，就一齐去食晚饭。 朋友想食大排档，但而家嘅天气咁热，唯有揾间有冷气嘅大排档，咁就可以食得舒服啲。所以朋友带我地去左位于工厂区嘅「泗兴食堂」食饭。豉椒炒鹅肠 $78鹅肠算系鹅内脏最好食嘅部分，但处理前期比较繁复，自己系唔会整，所以见到有都会点。炒得唔错，够镬气，鹅肠弹牙， 青椒、洋葱有晒豉椒汁，食落好惹味。脆炸墨鱼饼 $98一碟有9件， 墨鱼饼好厚但炸粉好薄，而且够脆口，但墨鱼味就唔系咁出。豉椒薯仔牛仔骨 $98薯仔好入味，牛仔骨好腍易咬开，仲有肉汁。