影片
更多
2023-07-19
45 浏览
.之前试过「虫二」觉得唔错，所以要试吓佢嘅姊妹店(●'◡'●)ﾉ Cafe主打墨西哥fusion菜，最特别系隐藏于唐楼楼上，店内以墨绿色工业风为主调，型格又带点休闲感。.🌮 德x港x墨 南乳版德国猪手紫酸菜芝士馅饼 $88/半份酥饼Quesadilla口感松脆，好特别咁用南乳猪手作为馅料，南乳味唔会太重，mix埋紫酸菜同芝士，混合德国香港墨西哥三种风味，估唔到又几夹，口感味道丰富(๑˃̵ᴗ˂̵) 蘸埋牛油果酱/蕃茄沙沙酱更滋味。.🍝 牛油野菌混酱意粉 $108扁意粉软硬适中几挂汁，芝士忌廉酱质感浓稠creamy，食落唔会有腻感。新鲜野菌大大片份量多，再加上洋葱蒜片等配料，更提升味道。.🌰 栗子Bunuelo $108Bunuelo呢款甜品都系第一次食，甜脆饼轻盈蓬松，非常薄脆，搭配口感幼滑嘅栗子蓉，加上云呢拿雪糕，甜而不腻。切开入面仲有原味同朱古力味蛋糕粒，几有惊喜。.🍹发酵水果气泡水 $60发酵水果会因应时令而转换，今次呢杯就系菠萝口味，带有发酵过嘅淡淡酒精味道，酒味温和唔会盖过水果味，入面仲有粒粒菠萝果肉，味道清爽。.🥒 青琴蕾-青瓜青柠气泡水 $60青瓜味突出，味道清新，夏天饮消暑解
之前试过「虫二」觉得唔错，所以要试吓佢嘅姊妹店(●'◡'●)ﾉ Cafe主打墨西哥fusion菜，最特别系隐藏于唐楼楼上，店内以墨绿色工业风为主调，型格又带点休闲感。
.
🌮 德x港x墨 南乳版德国猪手紫酸菜芝士馅饼 $88/半份
酥饼Quesadilla口感松脆，好特别咁用南乳猪手作为馅料，南乳味唔会太重，mix埋紫酸菜同芝士，混合德国香港墨西哥三种风味，估唔到又几夹，口感味道丰富(๑˃̵ᴗ˂̵) 蘸埋牛油果酱/蕃茄沙沙酱更滋味。
.
🍝 牛油野菌混酱意粉 $108
扁意粉软硬适中几挂汁，芝士忌廉酱质感浓稠creamy，食落唔会有腻感。新鲜野菌大大片份量多，再加上洋葱蒜片等配料，更提升味道。
.
🌰 栗子Bunuelo $108
Bunuelo呢款甜品都系第一次食，甜脆饼轻盈蓬松，非常薄脆，搭配口感幼滑嘅栗子蓉，加上云呢拿雪糕，甜而不腻。切开入面仲有原味同朱古力味蛋糕粒，几有惊喜。
.
🍹发酵水果气泡水 $60
发酵水果会因应时令而转换，今次呢杯就系菠萝口味，带有发酵过嘅淡淡酒精味道，酒味温和唔会盖过水果味，入面仲有粒粒菠萝果肉，味道清爽。
.
🥒 青琴蕾-青瓜青柠气泡水 $60
青瓜味突出，味道清新，夏天饮消暑解渴。
.
总括而言：Cafe环境宽敞开扬，大幅玻璃窗洒入自然光，感觉舒服写意。菜式创新别具心思，质素及味道都相当不错。星期一至五仲有咖啡放题，饮住咖啡慢慢做吓嘢，又或者同朋友倾吓偈，叹个悠闲下午。
张贴
