Neighbor (已結業)

自从公司搬咗之后少咗过嚟铜锣湾食饭，今日趁著情人节前夕，同Baby来撑枱脚，楼下门面就有特色嘅台湾饮品，楼上雅座又系另一片天，食物质素挺不错！巴马火腿蜜瓜沙律油醋汁 $88前菜食啲健康清新嘅，味道咸香的巴马火腿配上鲜甜爽脆的蜜瓜，沙律菜够晒纤维，加上健康的油醋汁作调味，啱晒女生口味。炭烧和牛配三文鱼籽 $68跟住来一个重口味嘅小食，蒜香味好浓郁，炭烧和牛质素唔错，牛肉味香而且入口即溶，细细粒放入口容易食。配三文鱼籽粒粒晶凝通透，入口有爆汁嘅感觉。原个南瓜海胆海鲜饭 $158一嚟到嘅时候我Baby就将佢切成一个米奇老鼠的外型，可爱到呢！原个南瓜造型有气势，令到饭嘅温度更加保温，确实有新鲜嘅南瓜肉香甜美味；海胆一啲都唔吝啬，铺满左半个南瓜顶；海鲜有带子、两只大虎虾同埋青口好弹牙；饭吸收晒整个海鲜嘅精华汁，口感 creamy & juicy 。珍宝牛肉汉堡 $148珍宝size 中间有蕃茄菠萝小清新感觉，牛肉肥瘦均匀肉汁满满，汉堡配搭粗薯条真系无得输。今晚以水果茶同埋 smoothie 代替甜品，美好水果四季春 $42；芝芝芒芒雪沙 $34；两杯饮品除咗外型卖相都好正之外，内涵一样甜蜜美味。