紫荊閣 (已結業)

前几年试过Sav hotel 的high tea set , 见到呢度装修有Style，check in counter 够时尚，系间够型格的酒店，外墙都feel 到，而且见到地下有几间可让旅客买手信的店铺，可让旅客入住也可以方便买手信，够贴心。到中菜餐厅紫荆阁，知道呢度有巧手功菜-叫化鸡$480@ ， 店员推车黎到，已引来旁人目光，可让客人自己扑碎外壳, 记住要预早订鸡，呢到仲有好多怀旧烹调菜色，都系要预订架。碎了后已闻到阵阵荷叶香味扑鼻，店员亦细心为我们剪开，明显见到骨同肉都可随意剪开，已想像到成只鸡已焗左好耐，非常入味。拆开里面，见到酿左冬菇丝，红枣作调味，材料渗透入鸡肉，非常入味。之后叫了香葱淮香虾$128，炸到松脆，其实可以连壳食，香葱味好出，其实连虾头都好松脆，可以就咁食。仲有西兰花炒花枝片$128，花枝片弹牙烟韧。我至爱既菠萝咕噜肉$98，好好𩠌饭，咕噜肉唔会好肥腻，外皮松脆里面有肉，个酸甜酱刚好黏住皮，非常开胃酸甜。最后餐厅仲送甜品，系海带绿豆沙又有臭草嘅香味好满足嘅一餐。埋单每人$240左右，环境高级，合理。不过因星期六晚都较多人，要预长少少时间进餐。