星記海鮮飯店 (一號廣場)

营业中

休息中

今日三个人订好枱，嚟米芝连饭馆食饭，1点几外面落住毛毛雨，上到嚟见到有好多枱未有人坐，侍应安排我地坐偏一偏嘅位置，冷气抽风不良，好焗呀。点咗午市套餐4+2，即系有4样𩠌选两样，冇影菜牌。点咗蒸鸡同腊肠炒芥兰。另外两样系一个炒饭，一个菜。套餐包一碗例汤，凉瓜炆斑头腩，生炒骨，糖水。讲食物喇，例汤好有水准，但系得一碗仔真系对于我呢啲水怪系到喉唔到肺。接住好快上蒸鸡，乜上得咁快啊，蒸定好架。鸡好香好滑，配埋个汁捞饭真系好味道。再好快上生炒骨，暖嘅。酸酸甜甜骨肉分离好味道。之后到腊肠炒芥兰，都有少少烟出嘅。芥兰唔老腊肠够香。斑头腩好出色，浓浓嘅芡汁包住鱼鱼，骨头都啜到干干净净，凉瓜爽脆。最后系红豆沙，有陈皮嘅香，红豆起沙，但系我唔钟意食糖水，所以食咗少少。埋单走嘅时候返到出大厅，得番两三台客，系咁点解要安排我地坐到去咁偏呢。